Молитва человека, страдающего рассеянием, нерадением на молитве
Рассеянный ум мой собери Господи, и оледеневшее сердце очисти,
яко Петру, дая мне покаяние;
яко мытарю – воздыхание,
и яко блуднице – слезы,
да велием гласом зову Ти,
Боже, спаси мя, яко Един Благоутробен и Человеколюбец.
Преподобный Исаак Сирин для этого случая дает следующую молитву:
“Господи Иисусе, Боже мой, призирающий на тварь Свою;
Ты, Которому явны страсти мои, и немощь естества нашего, и сила супостата нашего;
Ты Сам укрой меня от злобы его, потому что сила его могущественна, а естество наше бедственно, и сила наша немощна.
Посему Ты, Благий, Который знаешь немощь нашу, и понес на Себе трудности нашего бессилия, сохрани мя от мятежа помыслов и от потопа страстей, и соделай меня достойным сей святой службы, чтобы мне страстями своими не растлить ее сладости и не оказаться пред Тобою бесстыдным и дерзким”.
Молитва, святого Иоанна Златоуста
(24 молитвы, по числу часов дня и ночи)
Господи, не лиши мене небесных Твоих благ.
Господи, избави мя вечных мук.
Господи, умом ли или помышлением, словом или делом согреших, прости мя.
Господи, избави мя всякаго неведения и забвения, и малодушия, и окамененнаго нечувствия.
Господи, избави мя от всякаго искушения.
Господи, просвети мое сердце, еже помрачи лукавое похотение.
Господи, аз яко человек согреших, Ты же яко Бог щедр, помилуй мя, видя немощь души моея.
Господи, посли благодать Твою в помощь мне, да прославлю имя Твое святое.
Господи Иисусе Христе, напиши мя раба Твоего в книзе животней и даруй ми конец благий.
Господи, Боже мой, аще и ничтоже благо сотворих пред Тобою, но даждь ми по благодати Твоей положити начало благое.
Господи, окропи в сердце моем росу благодати Твоея.
Господи небесе и земли, помяни мя грешнаго раба Твоего, студнаго и нечистаго, во Царствии Твоем. Аминь.
Господи, в покаянии приими мя.
Господи, не остави мене.
Господи, не введи мене в напасть.
Господи, даждь ми мысль благу.
Господи, даждь ми слезы и память смертную, и умиление.
Господи, даждь ми помысл исповедания грехов моих.
Господи, даждь ми смирение, целомудрие и послушание.
Господи, даждь ми терпение, великодушие и кротость.
Господи, всели в мя корень благих, страх Твой в сердце мое.
Господи, сподоби мя любити Тя от всея души моея и помышления и творити во всем волю Твою.
Господи, покрый мя от человек некоторых, и бесов, и страстей, и от всякия иныя неподобныя вещи.
Господи, веси, яко твориши, якоже Ты волиши, да будет воля Твоя и во мне грешнем, яко благословен еси во веки. Аминь.
Псалом 50
Помилуй мя, Боже, по велицей милости Твоей, и по множеству щедрот Твоих очисти беззаконие мое.
Наипаче омый мя от беззакония моего, и от греха моего очисти мя; яко беззаконие мое аз знаю, и грех мой предо мною есть выну.
Тебе Единому согреших и лукавое пред Тобою сотворих, яко да оправдишися во словесех Твоих, и победиши внегда судити Ти.
Се бо, в беззакониих зачат есмь, и во гресех роди мя мати моя.
Се бо, истину возлюбил еси; безвестная и тайная премудрости Твоея явил ми еси.
Окропиши мя иссопом, и очищуся; омыеши мя, и паче снега убелюся.
Слуху моему даси радость и веселие; возрадуются кости смиренныя.
Отврати лице Твое от грех моих и вся беззакония моя очисти.
Сердце чисто созижди во мне, Боже, и дух прав обнови во утробе моей.
Не отвержи мене от лица Твоего и Духа Твоего Святаго не отыми от мене.
Воздаждь ми радость спасения Твоего и Духом Владычним утверди мя.
Просительная ектения
Ве́чера (Дне) всего́ соверше́нна, свя́та, ми́рна и безгре́шна у Го́спода про́сим.
А́нгела ми́рна, ве́рна наста́вника, храни́теля душ и теле́с на́ших у Го́спода про́сим.
Проще́ния и оставле́ния грехо́в и прегреше́ний на́ших у Го́спода про́сим.
До́брых и поле́зных душа́м нашим, и ми́ра мiрови у Го́спода про́сим.
Про́чее вре́мя живота́ на́шего в ми́ре и покая́нии сконча́ти у Го́спода про́сим.
Христиа́нския кончи́ны живота́ на́шего, безболе́знены, непосты́дны, ми́рны и до́браго отве́та на стра́шнем суди́щи Христо́ве про́сим.
Молитва прп. Макария Египетского
Господи, как Ты хочешь, и как знаешь – помилуй.
Но да будет тако! Да будет тако! Да будет тако!
Молитвенное воздыхание ко Господу св. прав. Иоанна Кронштадтского
Господи Боже Премилостиве, ущедри мя.
Господи Иисусе Христе услыши прошения моя.
Господи Всемогий, избави мя от всякия напасти.
Господи, научи мя. Господи, вразуми мя.
Господи, помози ми. Господи, спаси мя.
Господи, защити мя. Господи, сохрани мя.
Господи, очисти мя. Господи, души и телу моему буди заступник.
Господи, яко Милосердный и Благий Человеколюбец, подаждь ми прощение грехов.
Господи Иисусе Христе, в день судный помилуй мя и благослови мя во вся дни живота моего.
Яко Тебе подобает всякая слава, честь и поклонение, со Безначальным Твоим Отцем и с Пресвятым и Благим и Животворящим Твоим Духом, ныне и присно, и во веки веков. Аминь.
Молитва иная св. прав. Иоанна Кронштадтского
Господи! Имя Тебе – Любовь: не отвергни мене, заблуждающаго человека!
Господи! Имя Тебе – Сила: подкрепи меня, изнемогающаго и падающаго!
Господи! Имя Тебе – Свет: просвети мою душу, омраченную житейскими страстями!
Господи! Имя Тебе – Мир: умири мятущуюся душу мою!
Господи! Имя Тебе – Милость: не переставай миловать меня!
Псалом 79, 4
“Увы, увы! горе мне, горе мне! пощади, пощади, Владыко!”
“Помилуй, помилуй!”
“Прости, Владыко, прости, если возможно!”,
“Отверзи нам, о Судия, отверзи нам (двери)!
Мы затворили для себя грехами двери сии; отверзи нам!”,
“Просвети токмо лице Твое, и спасемся”
Молитва святого Иоанникия
Упование мое Отец, прибежище мое Сын, покров мой Дух Святый:
Троице Святая, слава Тебе.
Иисусова молитва
Господи Иисусе Христе, Сыне Божий, помилуй мя грешнаго.
В часы же послеобеденные можно говорить сию молитву так:
Господи Иисусе Христе, Сыне Божий, молитвами Богородицы, помилуй мя грешнаго.
Или же прибегать собственно ко Пресвятой Богородице, моляся:
Пресвятая Богородице, спаси нас,
или говорить поздравление ангельское:
Богородице Дево, радуйся…
Перегляди: 933
